यो देशमा म एउटा मानिस खोजिरहेछु

यो देशमा म एउटा मानिस खोजिरहेछु
गोपाल भण्डारी

गोपाल भण्डारी

नयाँ नेपाल निर्माणको एउटा सपना देखिरहँदा म हृदयदेखी सम्झना चाहन्छु यो देशमा म एउटा मानिस खोजिरहेछु भन्ने राष्ट्रिय गीतलाई एक पटक ।

छाडेर काम सारा एक काम रोजिरहेछु
यो देशमा एउटा मानिस खोजिरहेछु 

गीतकार तथा संगीतकार बिश्वनाथ वराल प्रेमले रचना र संगीत दिनुभएको तथा गायक शिशिर योगीले गाउँनु भएको राष्ट्रिय भावनाले ओतप्रोत उत्कृष्ट राष्ट्रिय गीत सच्चा देशभक्त नेपालीको नशानशामा रगत संगसंगै बग्छ । यो राष्ट्रिय गीतले देशको राष्ट्रियता, स्वाधीनालाई जोगाउने देशभक्त दुरदर्शी नयाँ राजनीतिक शक्तीलाई हाक्ने साहसी, परम प्रतापी महान मानव नेपालको छोरोको परिकल्पना गरेको छ । जसले शक्ति सत्ता पाउदा पनि त्यसको दुरुपयोग नगरोस, महेन्द्र मल्ल जस्तो अरुको दुखलाई आफ्नै दुख सम्झिीयोस । खाचो छ हाम्रो मातृभुमिलाई राजनेताको । बिश्वको ब्यबहारिक सत्य कुरा नेता दुरदृष्ठी र पथप्रदशक हुनैपर्छ । नयाँ नेपाल निर्माणको सपनाको ढोका खोल्दै काठमाडौं उपत्यकाको सडक बिस्तार गरी पुरै शहरको मुहार फेरेकोमा पूर्व प्रधानमन्त्री बाबुराम भट्टराईको योगदानलाई सलाम । नेपालमा बलियो इच्छाशक्तियुक्त प्रतिबद्ध र जुझारु साहसी राजनीतिक नेतृत्वको आवश्यकता हुन्छ । साच्चै देशको माया गर्ने यौटा महान् युगपुरुष (देशभक्त राजनेता) खोजी रहेछु । नेपालको मुहार फेर्न पूर्व प्रधानमन्त्री केपी ओलीले जे सपना देखे त्यो एकदमै सान्दर्भिक र प्रशशनीय थियो, छ र हुनेछ । उनमा यो माथिको राष्ट्रिय गितले खोजेको युगपुरुषको केहि गुणहरु देखिएको छ ।

नेपालको इतिहासलाई फर्केर हेर्दा यो देशमा कुनै पनि शक्तिले आफ्नो सांम्राज्य खडा गर्न सके न कुनै संम्राज्यबादी शक्तिहरूसंग घुडा टेक्न बाध्य हुनुपर्याे । एसियामा कसैको पनि उपनिवेश नभएको दुई देशमध्ये नेपाल र थाइल्याण्ड हो। त्यसैले नेपालको गर्विलो इतिहास विश्वसामु उपस्थित छ । हाम्रो देश नेपालमा अव्राहम लिङ्कन, महात्मा गान्धी र नेल्सन मण्डेला जस्ता महान् व्यक्तित्वहरूको खाँचो छ । डा. महाथीर विन मोहम्मद, वाराक ओबामा जस्ता प्रतिभाशाली नेताको जन्म हुनुपर्ने अत्यन्तै आवश्यक छ नेपाल आमालाई । यतिमात्र होइन अल्र्वट आइन्स्टाइन, कार्ल माक्स, विलियम शेक्सपियर, लियोनार्दो दा भिञ्ची, मदर टेरेसा, मेडम क्यूरी, अव्राहम लिङ्कन, महात्मा गान्धी र नेल्सन मण्डेला जस्ता महान् व्यक्तित्वहरूको पनि आवश्यक पर्दछ । आधुनिक मलेसिया निर्माता डा. महाथीर विन मोहम्मदको सवल नेतृत्वदायी भूमिकाबाट मलेसिया आर्थिक विकासको लागि मार्ग प्रशस्त गराए । आधुनिक सिङ्गापुरका जन्मदाता ली कुआन युकै गतिशील नेतृत्वका कारण सिङ्गापुरको विकासमा तीव्र रूपान्तरण भएको हो । विश्वका महान् राजनेताहरू महात्मा गान्धी, अव्राहम लिङ्कन र नेल्सन मण्डेलाले आफ्नो देशको लागि दिइएको महत्वपूर्ण योगदानलाई विश्वले अनन्तकालसम्म स्मरण गरिरहने छ ।

ग्रहहरूले अरुको प्रकाश लिएर आफु उज्यालो वन्दछन् भने ताराहरूले आफ्नो प्रकाश दिएर अरुलाई उज्यालो पार्दछन् । नेताहरु भनेका ताराहरु जस्ता हुनुपर्छ । देशको भाग्य र भबिष्य निर्माणको लागि नेताको मात्र दोष नभई जनताको पनि उतिकै भूमिका हुन्छ । देशप्रतिको आफ्नो उत्तरदायित्व वोध भएका सच्चा असल नागरिक र राजनेताको खाँचो छ नेपाल आमालाई । प्रत्येक नागरिकमा देशले के दियो भन्दा पनि मैले देशको लागि के दिन सक्छुभन्ने भावनाको उजागर हुनु अत्यन्तै आवश्यक छ । नयाँ नेपाल निर्माणको भावना र सोच सबैमा सशक्त हिसाबले उजागर हुनुपर्छ ।

हान् वैज्ञानिक आन्इस्टाइनका अनुसार ज्ञानभन्दा कल्पनाशक्ति धेरै शक्तिशाली हुन्छ किनकि ज्ञान सीमित छ, तर कल्पनाशक्ति असीमित हुन्छ । महाकवि लक्ष्मिप्रसाद देवकोटाले उद्देश्य लिनु के उडी छुनु चन्द्र एक भनेको केही समयपछि मात्र निल आर्मस्ट्रङ चन्द्रमामा अवतरण भए । सोच नै कुनै सफलताको आधार अवश्य हो । दार्श्निक जी बद्रीलार्ड आफ्नो कृति ‘द सिमुलाक्रम’मा सोच व्यवहारभन्दा कैयौं गुणा शक्तिशाली हुन्छ भन्ने मान्यता राख्छन । विश्वका सफल व्यक्तिहरु भन्छन सपना देख, असफल व्यक्तिहरु भन्छन धेरै सपना नदेख । सपना देख्नुपर्छ, उदेश्य राख्नुपर्छ तर त्यस अनुसार कार्य सम्पादन गनुपर्दछ ।

विकास त्यहीँबाट सुरु हुन्छ, जसले सपनालाई विपनामा बदल्न खोज्छ । जसले सपना देख्दैन, सपनालाई विपनामा परिणत गर्न चाहँदैन र सपना देखे पनि त्यसलाई केलाउने प्रयत्न जसले गर्दैन, त्यो मान्छे मूर्ख शिवाय केही हुन सक्दैन । हामी हाम्रो जीवनकालमा ३ भागको १ भाग सुतेर बिताउँछौं भने ६ वर्ष जति सपना देखेर । हाम्रो हरेक रातको औसत २ घण्टा सपनामा बित्छ । मानव मस्तिष्क र पशुपंक्षीको मस्तिष्कको बिचको अर्को एउटा ठुलो भिन्नता के पनि हो भने पशुपंछीलाई मैले सपना देखें भन्ने कुरा पनि थाहा हुँदैन, निद्रा खुलेपछि सपना नै पूर्णत बिर्सिहल्छन, र प्रभाव पनि शुन्य हुन्छ ।

गीत  – यो देशमा म एउटा मानिस खोजिरहेछु

गायक  – शिशिर योगी

गीतकार तथा संगीतकार – डा. विश्वनाथ बराल ‘प्रेम’

 

छाडेर काम सारा एक काम खोजि रहेछु

यो देशमा म एउटा मानिस खोजिरहेछु

भेटे कहीं बताए हे राष्ट्रका बटोही

रक्ष्यार्थ जन्मेका छन् की सपुत कोही

यो प्रश्न ख्याल राखे सबलाई सोधी रहेछु

यो देशमा म एउटा मानिस खोजि रहेछु

 

आमा यदि नबाचे कसको प्यार पिउने

कुन काखमा रमाउने कसका निमित्त जिउने

मुर्छित मातृभूमि को प्राणको हरणमा

यो बिषको घडा जो पिउने छ ति रढमा

त्यस्ता परम् प्रतापी त्यस्ता अजय नायक

अवतार भएर मानौ भुभार हर्न लायक

म त्यही महान मानवको मार्ग खोपी रहेछु * २

यो देश मा म एउटा मानिस खोजि रहेछु

 

यो मूल घर ढलेमा ठाउँ कहाँ छ जाने

होला कुनै त बाटो जोडेर साथ लाने

पाएर शक्ति सत्ता गर्दैन जो कुकर्म

आफ्नै शरीर अरुको जो बुझ्छ भित्रि मर्म

संचेतना जगाई यो देश माथि लाने

आशा र उन्नति को दृष्टि दिएर जाने

म त्यही नयाँ भविष्यको बिज रोपी रहेछु *२

यो देशमा म एउटा मानिस खोजि रहेछु *२

उक्त गीतको अडियो सुन्नको लागि तलको लिंक क्लिक गर्नुहोला 

https://soundcloud.com/vishwanathprem/manchhe-ko-khoji

 

(Visited 1 times, 1 visits today)

Gopal Bhandari

Editor-in-Chief, Writer/Author, Researcher
Posted in Information. Tagged with , , , , .
error: Content is protected !!